29.09c
Երեվան
չրք, հնս 25
Լիբանանի մէջ յետ երկարատեւ հիւանդութեան մահացած է Պուրճ Համուտ հայահոծ շրջանի նախկին քաղաքապետ Անդրանիկ Մսըրլեանը։
Այս մասին «Արեւելք» տեղեկացաւ Պուրճ Համուտի Քաղաքապետարանի դիմատետրեան էջէն։
Աղբիւրը կը նշէ, որ այս տխուր առթիւ քաղաքապետարանը գլխաւորութեամբ քաղաքապետ Տիար Մարտիկ Պօղոսեանի , ինչպէս նաեւ քաղաքապետարանի ողջ անձնակազմին կը գուժեն մահը նախկին քաղաքապետ Անդրանիկ Մսըրլեանի, որ 17 տարիներ կառավարած է քաղաքապետարանը։
Աղբիւրը նաեւ կը յիշեցնէ, որ Մըսրլեան կարեւոր աշխատանքներ տարած է բարեկարգելու համար հայկական շրջանը։
Նշենք, որ նոյն առթիւ ցաւակցագիր մը յղած է ՀՅԴ Բիւրոն իր երախտիքը յայտնելով Մսըրլեան Դաշնակցական հայու նուիրական գործունէութեան առընթեր։
Հանգուցեալի յուղարկաւորութիւնն ու թաղման պաշտամունքը տեղի պիտի ունենան Պուրճ Համուտի Հայ Աւետարանական եկեղեցւոյ մէջ։
