27.97c
Երեվան
չրք, հնս 10
Ֆրանսայի Վիէն քաղաքին մէջ պղծուած է Հայոց Ցեղասպանութեան նուիրուած յուշակոթող մը: Այս մասին լուրը գրած է ֆրանսական fr 3 կայքը: Կը նշուի նաեւ, որ դէպքը տեղի ունեցած է երկու օր առաջ եւ պղծման ստոր արարքին վերաբերեալ ոչ մէկ յստակ տեղեկութիւն չի փոխանցուիր: Ֆրանսական աղբիւրը դէպքին մասին մէջբերած է Ֆրանսայի հայկական միութիւններու համակարգող մարմնին ՝ CCAF -ին այս առթիւ հրապարակած դատապարտման գիրը, ուր կ'ըսուի թէ«նուաստացուցիչ արարքը կապ ունի Հայոց Ցեղասպանութեան փաստը ժխտելու Անգարայի ծրագրեալ քաղաքականութեան հետ, ինչպէս նաեւ հասարկութեան մէջ ատելութեան սերմանելու մօտեցումներուն հետ»: Հայկական մարմինը Ֆրանսական իշխանութիւններէն պահանջած է արագօրէն դատապարտել եղածը եւ զգօն ըլլալ նման հակամարդկային արարքներու համար:
Կը նշուի, որ դէպքին մասին առաջին անգամ արձագանքած է Վիէն քաղաքի վարչական խորհուրդի անդամ Էրուան Պինէն, որ իր դիմատետրի վրայ դէպքին մասին դատապարտման գրառում մը կատարելով յայտնած է, թէ ինք եւս «ցնցուած ու վախցած է արարքէն»:
