28.53c
Երեվան
հնգ, հնս 25
«Ժայշ Ալ-Իսլամ» խմբաւորումը մեղադրեց սուրիական վարչակարգը Տումայի մէջ քիմիական մահացու յարձակում գործադրելու մէջ: Մարդասիրական-բժշկական կազմակերպութիւններ յատնած են, որ շրջանին մէջ սպանուած է 35 մարդ երկու քիմիական յարձակումներու ընթացքին:
Սուրիական պաշտօնական լրատումիջոցները հերքած են լուրը, ըսելով, որ Դամասկոսի արեւելեան Ղութայի Տումա քաղաքի ընդիմադիր զինեալները կը գտնուին փլուզման վիճակի մէջ եւ այդ իսկ պատճառով կեղծ լուրեր կը տարծեն:
Իր կարգին Ամերիկայի արտաքին գործերու նախարարութիւնը յատնեց, որ ենթադրեալ քիմիական յարձակման մասին մեծածաւալ զոհերու մասին լուրը սարսափելի է եւ եթէ հաստատուի, միջազգային արձագանք պիտի պահանջէ:
Նշենք, որ անցնող օրերուն Սուրիոյ կառավարութիւնը յաջողեցաւ հսկողութիւնը վերականգնել արեւելեան Ղութայի բոլոր շրջաններուն վրայ, բացի Տումա շրջանէն, որ ցարդ կը շարունակէ մնալ «Ժայշ ալ Իսլամ»ի ահաբեկիչ զինեալներու տիրապետութեան տակ:
