21.09c
Երեվան
հնգ, ապր 30
ՌԴ Խաղաղովկիանոսեան նաւատորմի ռազմանաւերը ծովային օդուժի հետ միասին նորագոյն պատմութեան մէջ առաջին անգամ ուսումնավարժանքներ պիտի կատարեն Խաղաղ ովկիանոսի կեդրոնական հատուածին մէջ: Այս մասին յայտնած է «ՌԻԱ Նովոստի»-ն` յղում ընելով ՌԴ պաշտպանութեան նախարարութեան:
Ուսումնավարժանքները պիտի իրականացուին Քուրիլեան կղզիներէն 4600 Քմ հարաւ-արեւելք գտնուող շրջանին մէջ: Ուսումնավարժանքներուն պիտի մասնակցի մօտ 20 ռազմանաւ, սուզանաւ եւ օժանդակող նաւեր: Անոնց մէջ, մասնաւորապէս, ընդգրկուած են Խաղաղովկիանոսեան նաւատորմի «Վարիակ» հրթիռային յածանաւը, «Մարշալ Շափոշնիքով» ռազմանաւը, այլ նաւեր եւ սուզանաւ:
Բացի այդ, զօրավարժութիւններուն ներգրաւուած են ծովային օդուժի Ту-142М3 ինքնաթիռները, որոնք 14 ժամ տեւողութեամբ թռիչքներ կ'իրականացնեն: Ընդհանուր առմամբ, զօրավարժանքներուն պիտի մասնակցի 20 օդանաւ:
Նաւերն ու ինքնաթիռները արդէն շարք մը առաջադրանքներ իրականացուցած են, մասնաւորապէս` պայմանական հակառակորդի օդային հարուածային խումբի ոչնչացումը:
Զօրավարժանքները պիտի իրականացուին Խաղաղովկիանոսեան նաւատորմի հրամանատար, ծովակալ Սերկէյ Աւագեանցի ղեկավարութեան ներքոյ:
