6.09c
Երեվան
ուրբ, մյս 08
«Նոր Ջուղայի թեմէն ներս Վեհափառ հայրապետի որոշումին մասին ժխտական մթնոլորտ մը չկայ» «Արեւելք»ին յայտնեց Նոր Ջուղայի մօտ գտնուող Շահինշահր համայնքի հոգեւոր տեսուչ Տ. Անանիա Ծ. Վրդ. Գուճանեան: Հայր Սուրբը նաեւ նշեց, որ Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետին կողմէ Հայր Սիփան Վրդ. Քէչէճեանը Նոր Ջուղայի առաջնորդական տեղապահ նշանակելու համար համայնքէն ներս ընդունուած է բնականոն կերպով եւ համայնքի անդամներ կը սպասեն տեղապահ հայր սուրբին հետ առաջին հանդիպման, որ պիտի կայացուի յառաջիկայ օրերուն: Նշենք, որ «Արեւելք»ի Անթիլիասի մօտիկ աղբիւրներ աւելի վաղ տեղեկութիւններ հաղորդած էին այն մասին, որ Նոր Ջուղայի տարբեր շրջանակներ կը պատրաստուին բողոքի քայլեր կատարել Վեհափառ Հայրապետի կողմէ եղած կարգադրութեան դէմ: Այս առումով էր նաեւ, որ յարմար նկատեցինք կապ հաստատել Տ. Անանիա Ծ. Վրդ.ին հետ, բաւարար լուսաբանութիւններ ստանալու համար տուեալ խնդրին շուրջ: Նոյն առումով «Արեւելք» բարի եւ արդիւնաւէտ ծառայութիւն կը մաղթէ նորանշանակ առաջնորդական տեղապահին:
