15.09c
Երեվան
երկ, մրտ 23
Պէյրութի մէջ հեռասփռուած խօսք մը արտասանելով «Հըզպալլա»ի առաջնորդ Սէյիտ Հասան Նասրալլա դիտել տուաւ, որ Իրանցի զօր. Գասէմ Սուլայմանիի սպանութեան դէպքը սովորական սպանութիւն մը չէ, եւ այդ սպանութեան վրէժը լուծելու կոչուած է, ոչ միայն Իրանը այլ «Դիմադրութեան ճակատ»ի բոլոր թեւերը։
Նասրալլա, որ բաւական երկար մեկնաբանութիւն մը կատարեց ամերիկայի արտաքին քաղաքականութեան նշեց, որ ԱՄՆ նախագահ Տանըլտ Թրամբ այս քայլին գնաց, որպէսզի կարողանայ իր ընդհանուր պատկերը բարեփոխել։ Ան նաեւ նշեց, որ անցնող տարիներուն Թրամբի արտաքին քաղաքականութիւնը ամբողջական ձախողութեան ընդհանուր հանրագումար մըն է, նշելով որ Ամերիկա մեծ կորուստներ եւ անկումներ ունեցաւ Իրաքի, Սուրիոյ, Եէմէնի եւ Աֆղանիստանի մէջ եւ Պաղտատի մէջ կատարուած գրոհին հիմնական նպատակն էր բարելաւել Թրամբի դիրքերը առաջիկային տեղի ունենալիք նախագահական ընտրութիւնէն առաջ։
Նասրալլա իր խօսքը ԱՄՆ Արտաքին գործոց նախարար Փոմփէոյին ուղղելով մասնաւորապէս ըսաւ «Դուն վաղը պիտի նկատես, թէ Իրանցի ժողովուրդը ինչ մեծ յարգանքով վերջին հրաժեշտ պիտի տայ իր հզօր զօրավարին, հետեւաբար այդ առումով ձեր բոլոր նկատառումները անհիմն են ու ստապատիր»։
«Հըզպալլա»ի առաջնորդը վերյիշեցուց, որ իրենք անպայման պիտի լուծեն զօր. Սուլայմանիի վրէժը. Ան այդ առումով ըսաւ «Անպայման պիտի լուծենք զօր. Սուլայմանիի սպանութեան վրէժը եւ այսօր այդ վրէժի գլխաւոր կէտն ու հիմնական նպատակը ամերիկեան ուժերու մեր շրջաններէն Իրաքէն ու մեր շրջաններէն վտարումն է» ըսաւ շիիթ առաջնորդը յաւելելով, որ «Երբ ամերիկացի սպաներու եւ զինուորներու դագաղները սկսին իրենց երկիրը վերադառնալ, Թրամբ պիտի գիտակցի, թէ կորսնցուց ամբողջ շրջանը»։
