28.18c
Երեվան
ուրբ, հլս 17
Մերձմոսկովեան Ալապինոյի մէջ տեղի ունեցած է հայ հրասայլորդներու մասնակցութեամբ վերջին անհատական մրցավազքը:
ՀՀ պաշտպանութեան նախարարութեան տեղեկատւութեան եւ հասարակայնութեան հետ կապերու վարչութեան փոխանցած տեղեկութիւններով՝ Հայաստանը ներկայացնող հրասայլորդները մրցած են Վիեթնամի, Խըրխըզիստանի եւ Միանմայի խումբերուն հետ։
Հայկական խումբը խոցած է հնարաւոր հինգ թիրախներէն հինգը, իսկ վերջին անհատական մրցավազքէն ետք՝ ամփոփուած են արդիւնքները։ Հայաստանի խումբը 12 լաւագոյններու շարքին զբաղցուցած է 9-րդ հորիզոնականը եւ անցած է կիսաեզրափակիչ։
Հայ հրասայլորդներու մասնակցութեամբ փոխանցումավազքի առաջին ելոյթը տեղի պիտի ունենայ 8 oգոստոսին, իսկ մրցակիցները պիտի ըլլան Ռուսիան, Վենեզուէլան եւ Մոնկոլիան:
