10.09c
Երեվան
հնգ, մյս 07
Լիբանան կրնայ դարձեալ թատերաբեմ դառնալ ահաբեկչական յարձակումներու: Այս մասին այսօր գրած է Քուէյթեան «Ալ Անպաա» պարբերականը, որ նաեւ կը յայտնէ, թէ իր ունեցած տուեալներով ահաբեկչական խմբաւորումներ կը պատրաստուին գործողութիւններ կատարել Լիբանանի մէջ: Թերթը նաեւ կը փոխանցէ, որ ահաբեկիչներուն հիմնական թիրախ կը համարուին քաղաքական կարգ մը յայտնի գործիչներ, որոնք վերջին ամիսներուն հանդէս կու գան երկրին մէջ համակեցութիւնը եւ ապահովութիւնը պահպանողի դիրքերէ: Աղբիւրը, որ անուններ չի փոխանցեր, նոյնպէս կը գրէ, որ ահաբեկչական արարքներ կատարելով` ահաբեկչական խմբաւորումներ նպատակ ունին քաոսի տանիլ Լիբանանը: Յիշեցնենք, որ համայնքային դրութեամբ կառավարուող երկրին մէջ երկրի հիմնական բաղկացուցիչ տարրերուն միջեւ կան երեւելի եւ սուր տարակարծութիւններ, մանաւանդ կապուած Սուրիոյ պատերազմին եւ Րիատ- Թեհրան լուռ հակամարտութեան:
