12.09c
Երեվան
չրք, մյս 13
Լիբանանեան բանակի ստորաբաժանումներ ապահովական մեծ գործողութիւն մը կատարած են Արսէլ աւանին մէջ: Այս մասին լուրը կը փոխանցէ Al Mayadeen կայանը յաւելելով, որ երէկ ուշ գիշեր սկիզբ առած կանխազգուշական գործողութեան արդիւնքով ձերբակալուած են 337անձեր, որոնք կը կարծուի որ կապ ունին «Իսլամական պետութիւն» կոչուած ահաբեկչական խմբաւորման հետ:
Կը փոխանցուի նաեւ, որ բանակի զինուորներու Արսէլ մուտքի ընթացքին հինգ ահաբեկիչներ անձնասպանական գործողութիւն կատարած են եւ պայթումներուն ընթացքին զոհուած է երեխայ մը:
Նշենք, որ առաջին անգամը չէ, որ լիբանանեան բանակը նման գործողութիւններ կը կատարէ Արսէլ աւանին մէջ:
Սուրիոյ հետ սահմանային գօտիին մերձ եղող Արսէլ աւանին մէջ ապաստանած են հազարաւոր սուրիացի գաղթականներ, իսկ այդ շրջանի լեռնային հատուածներուն մէջ կան Տահէշի եւ Ալ Նուսրա ճակատի զինեալներու թաքստոցներ:
