17.09c
Երեվան
ուրբ, հկտ 02
Իսրայէլացի բարձրաստիճան դիւանագէտ Տորէ Կոլտ այսօր Պոլիս կը ժամանէ: Այս մասին լուրը կը փոխանցէ «Հիւրրիյէթ»ը, նշելով նաեւ, որ 2010-էն ի վեր Կոլտ պիտի ըլլայ առաջին իսրայէլացի պատասխանատուն, որ Թուրքիա կ'այցելէ: Կոլտ պիտի այցելէ երէկ Պոլսոյ մէջ գրանցուած պայթումին հետեւանքով վիրաւորուած եւ հիւանդանոցը գտնուող իսրայէլացի վիրաւորեալներուն ու ապա հանդիպումներ պիտի ունենայ իր թուրք պաշտօնակիցներուն, որոնց շարքին՝ Թուրքիոյ նախկին արտաքին գործոց նախարար Ֆէրիտոն Սինիրօղլուի հետ: Նշենք, որ երկու երկիրներուն միջեւ յարաբերութիւնները անկում արձանագրած էին 2010-ին՝ Կազա մեկնիլ փորձող թրքական «Մաւի Մարմարա» նաւու դէպքէն ասդին: Երէկ Պոլսոյ մէջ գրանցուած պայթումին հետեւանքով զոհերուն մէջ եղած են իսրայէլացի զբօսաշրջիկներ, եւ Կոլտի այս այցելութիւնը կրնայ իսրայէլեան դիւագիտութեան առաջին քայլը համարուիլ Թուրքիոյ հետ յարաբերութիւններու բարեւլաւման առընթեր:
