16.09c
Երեվան
ուրբ, մյս 08
Անցնող քսանչորս ժամերուն թէժ մարտեր տեղի կ'ունենան Իրաքի Քէրքուք քաղաքի կեդրոնական հատուածներուն մէջ: Այս մասին լուր փոխանցող աղբիւրներ կը հաղորդեն, որ Տահէշ ահաբեկչական խմբաւորման տասնեակ զինեալներ, քաղաք ներթափանցելով, գրաւած ու տեղակայուած են շէնքի մը մէջ: Իրաքեան բանակի, ինչպէս նաեւ Փէշմարքայի զինեալներ, շրջան հասնելով թէժ մարտեր կը վարեն Տահէշի դէմ: Նախնական տուեալներով կան տասնեակ զոհեր եւ քաղաքի օրինապահ մարմիններուն հրամանով Քէրքուի ամբողջ տարածքին պարէտային ժամ յայտարարուած է: Կը նշուի նաեւ, որ «Իալամական պետութեան» դէմ կազմուած միջազգային դաշինքի կործանիչեր, թիրախ ընտրելով «սգոյ սրահ» մը, սպաննած են 20 կիներ եւ վիրաւորած 45 ուրիշներ Քէրքուքի հարաւը եղող Տաքուք շրջանին մէջ:
