24.64c
Երեվան
երք, հլս 21
ՀՀ արտաքին գործերու նախարարի մամուլի քարտուղար Տիգրան Պալայեան յայտնած է, թէ Շարլ Ազնաւուր Ֆրանկոֆոնիայի գագաթնաժողովին՝ 11-12 հոկտեմբերին պիտի ժամանէր Երեւան:
«Ան պիտի մասնակցէր «Ֆրանկոֆոնիայի գագաթնաժողովի միջոցառումներուն կազմակերպուելիք համերգի բացման»,- ըսած է ան:
Յիշեցնենք, սակայն, որ աշխարհահռչակ ֆրանսահայ շանսոնիէ Շարլ Ազնաւուրի մահուան լուրը աշխարհով մէկ տարածուեցաւ ժամեր առաջ: Ան 94 տարեկան էր:
Շարլ Ազնաւուրը ծնած է 22 մայիսի 1924 թուականին, Փարիզի Սեն Ժերմէն տէ Պրէ թաղամասի մէջ, հայ գաղթականներ Միշա եւ Քնար Ազնաւուրեաններու ընտանիքի մէջ: Ազնաւուրի հայրը ծնած է Ախալցխա, արմատներով Էրզրումէն էր, իսկ մայրը՝ Քնար Պաղդասարեան, Իզմիրէն էր, Հայոց ցեղասպանութեան ականատես փրկուածներէն:
Ան իր հարցազրոյցներէն մէկուն ընթացքին խօսելով Հայաստանի մասին ըսած է․ «Պէտք է գիտակցինք, որ ունինք գեղեցիկ երկիր մը, որ պէտք է զարգացնել, այլապէս այն օր մը կրնայ անհետանալ այնպէս, ինչպէս որոշ հին քաղաքակրթութիւններ: Իսկ անոր պատասխանատուութիւնը կը կրեն հայերը»:
