5.09c
Երեվան
ուրբ, մյս 08
Ժամ մը առաջ հրթիռներ ինկած են Հալէպի Նոր Գիւղ հայկական թաղամասին վրայ: Այս մասին «Արեւելք» տեղեկութիւն ստացաւ Հալէպի իր աղբիւրէն: Մեր աղբիւրը նաեւ յայտնեց, որ հրթիռներ ինկած են «Քարէն Եփփէ» ճեմարանի թաղամասին վրայ: Հոն եղած հրթիռարձակումներուն հետեւանքով զոհուած է կին մը, որուն ինքնութիւնը ցարդ յստակ չէ: Նշենք, որ այսօր առաւօտեան ժամերէն սկսեալ Հալէպի տարբեր շրջաններ ենթարկուած են հրթիռարձակումներու: Կը նշուի նաեւ, որ մասնաւորապէս «Պոստան Ալ Փաշա» Նոր Գիւղի մօտիկ շրջանին մէջ Սուրիոյ բանակին եւ ահաբեկիչ զինեալներուն միջեւ թէժ մարտեր տեղի կ'ունեան:
Լուսանկարները ՝ «Արեւելք»ին
