32.96c
Երեվան
ուրբ, հլս 17
Հայաստանի նախագահ Արմէն Սարգսեանի աշխատակազմի հասարակայնութեան հետ կապերու վարչութիւնը տարածած է հաղորդագրութիւն մը, որուն մէջ կը ներկայացուի նախագահ Արմէն Սարգսեանի գնահատականը Հայաստանի ներկայի քաղաքական իրավիճակի մասին։
Սոյն գնահատականի բնագիրին մէջ մասնաւորպէս ըսուած է.
«Նախագահ Արմէն Սարգսեանը մշտապէս հետեւում եւ իր ուշադրութեան կենտրոնում է պահում տեղի ունեցող գործընթացները: Պետութեան համար կենսական համարելով իշխանութեան բոլոր ճիւղերի՝ Սահմանադրութեան եւ դրանում ամրագրուած նրանց լիազօրութիւնների սահմաններում գործելու, միմեանց նկատմամբ յարգանք դրսեւորելու անհրաժեշտութիւնը, Հանրապետութեան նախագահը բոլոր քաղաքական ուժերից ակնկալում է առաջնորդուել մեր երկրի անվտանգութեան, կայուն ու անցնցում զարգացման առաջնահերթ շահերով: Պետութեան շահը, երկրի անվտանգութիւնն ու անձի եւ քաղաքացու իրաւունքների նկատմամբ յարգանքը գերակայ են բոլորիս համար:
Հանրապետութեան նախագահը ողջունում է վարչապետի եւ ԱԺ նախագահի հանդիպումը՝ դրական գնահատելով արդիւնքում արձանագրուած պայմանաւորուածութիւնները: Նախագահը յոյս է յայտնում, որ առաջիկայում կը տեսնենք դրական արդիւնքներ:
Հանրապետութեան նախագահը վերահաստատում է իր դիրքորոշումը, որ խնդիրները լաւագոյնս լուծւում են երկխօսութեան եւ բանակցութիւնների միջոցով, որոնց ընթացքում ձեռք բերուած պայմանաւորուածութիւնները կողմերը յարգում են՝ հետեւողականօրէն կատարելով այդ պայմանաւորուածութիւններին միտուած գործողութիւններ՝ ընթացքում դասեր քաղելով եւ արձանագրելով յաջողութիւնները: Սա պէտք է դարձնել մեր քաղաքական յարաբերութիւնները բնորոշող գերակայ մշակոյթ»:
