15.09c
Երեվան
չրք, նմբ 04
Համազգային Հայ Կրթական եւ Մշակութային Միութեան Մոնթրէալի «Սանահին» մասնաճիւղի Գրական յանձնախումբի եւ «Հորիզոն» շաբաթաթերթի կազմակերպութեամբ, հինգշաբթի 31 մարտին, Մոնթրէալի Հայ Կեդրոնի «Աւետիս Ահարոնեան» սրահին մէջ տեղի ունեցած է Անուշ Ակներեանի «Սկիզբ» բանաստեղծական գիրքի շնորհահանդէսը:
Նախկին պէյրութահայ, ներկայիս Մոնթրէալ ապրող Անուշ Ակներեան մասնագիտացած է գրականութեան մէջ եւ հետեւած լեզուի փիլիսոփայութեան ծրագրին: Բանաստեղծութեան կողքին, ան յօդուածներով ու թարգմանական գործերով կ'աշխատակցի սփիւռքի եւ Հայաստանի գրական հանդէսներուն: Ան հրատարակիչն ու գլխաւոր խմբագիրն է երկլեզու Corridor Books հրատարակչատան: «Հորիզոն» շաբաթաթերթի հիմնադրութեան շրջանին, իր մասնակցութիւնը բերած է որպէս օգնական խմբագիր, իսկ այժմ «Հորիզոն»ի Գրական յաւելուածին խմբագրական կազմի անդամ է:
