26.45c
Երեվան
կրկ, հլս 26
Այսօր՝ 3 յուլիսին, Երեւանի մէջ մեկնարկած է հայ բժիշկներու 5-րդ միջազգային համագումարը:
Այս տարի համագումարի աշխատանքին կը մասնակցին մօտ 650 մասնագէտներ Հայաստանէն եւ սփիւռքէն: Օտարերկրեայ ամենամեծ թիւով պատուիրակներ ժամանած են ԱՄՆ-էն, Ռուսաստանէն, Գանատայէն եւ Ֆրանսայէն։ Ընդհանուր առմամբ, համագումարի շրջագիծէն ներս նախատեսուած է իրականացնել 26 արբանեակային աշխատաժողով, 13 լիագումար դասախօսութիւն եւ 27 նիստ։
Ինչպէս նշած է ՀՀ առողջապահութեան նախարար Արսէն Թորոսեանը, համագումարի շրջանակէն ներս տեղի եւ արտասահմանցի մասնագէտները հնարաւորութիւն պիտի ստանան քննարկելու այժմէական հարցեր: Բացի այդ, հնարաւորութիւններ պիտի ստեղծուին նոր կապերու ձեւաւորման, ինչպէս նաեւ փոխշահաւէտ համագործակցութեան հաստատման համար:
Իր հերթին, համագումարի նախագահ, փրոֆեսըր Արմէն Չարչեանը առաջարկած է միջոցառման շրջանակէն ներս քննարկել Համահայկական բժշկական համագումարի ստեղծման, ձեռքբերուած համաձայնութիւններու իրականացման վերահսկման համար համակարգող խումբի ձեւաւորման, ինչպէս նաեւ 2023 թուականին Արցախի հետ համագումար իրականացնելու հարցերը:
Ան նաեւ առաջարկած է Արա Բաբլոյեանը ընտրել հայ բժիշկներու միջազգային համագումարի պատուաւոր ղեկավար:
Նշենք, որ համագումարն իր աշխատանքը պիտի աւարտէ 6 յուլիսին:
