Աբովեան քաղաքին մէջ նախընտրական կիրքեր. Հրկիզած են շտապի պետին տունն ու ինքնաշարժը

243
08/06/2019

Աբովեան քաղաքին մէջ նախընտրական կիրքեր. Հրկիզած են շտապի պետին տունն ու ինքնաշարժը

Կոտայքի մարզին մէջ, այսօր՝ յունիս 8-ին, արտակարգ դէպք տեղի ունեցած է. ժամը 04:00-ի սահմաններուն ԱԻՆ փրկարար ծառայութեան 9-11 կառավարման կեդրոնը ահազանգ ստացած է, որ Աբովեան քաղաքի 2-րդ փոքր շրջան թաղամասի 28 շէնքի բակին մէջ մեքենայ կ'այրի:

Shamshyan.com-ի հաղորդմամբ, դէպքի վայր ժամանած են ԱԻՆ փրկարարներու մէկ մարտական հաշուարկ, որ մարած է 28 շէնքի բակին մէջ կայանուած Nissan Tiida մակնիշի 35 OX 487 համարանիշի մեքենային մէջ առաջացած հրդեհը:

Փաստի առթիւ յարուցուած է քրէական գործ ՀՀ Քրէական օրէնսգիրքի 108-րդ յօդուածի (գոյքի դիտաւորեալ ոչնչացում) յատկանիշներով:

Աղբիւրի տեղեկութիւններով՝ նշուած մեքենան կը պատկանի Աբովեան քաղաքի բնակիչ, 46-ամեայ Վահան Սարիբեկեանին, որ Աբովեանի քաղաքապետի ՔՊ թեկնածու Գրիգոր Գուլեանի նախընտրական շտաբներէն մէկուն պետն է:

Մինչ հրշէջներու ժամանումը Վ. Սարիբեկեանի տղան` 26-ամեայ Յարութիւն Սարիբեկեանը, փորձած է մարել կրակը, որ ձեռքերու հատուածին այրուածքներ ստացած է եւ շտապօգնութեան մեքենայով տեղափոխուած է Աբովեան բժշկական կեդրոն:

Ինքնաշարժը դարձած է ոչ պիտանի եւ կատարողը կամ կատարողները ըստ տեղեկութիւններու վարելանիւթ լեցուցած են Սարիբեկեանի տան դրան վրայ եւ այրած դուռը, կրակը տարածուած է նաեւ տան ներսը, եւ շնորհիւ Վ. Սարիբեկեանի տղուն՝ կրակը տան մէջ շատ վնասներ չէ տուած: