Գայթակղային նիւթերու հրապարակմամբ զբաղող WikiLeaks կայքի հիմնադիր Ճուլիան Ասանժի հայրը Լոնտոնի մէջ որդիին աղմկայարոյց ձերբակալութենէն ետք յայտարարած է, որ լրագրողը պէտք է ոչ թէ ԱՄՆ, այլ Աւստրալիա արտայանձնուի, քանի որ այդ երկրի քաղաքացի է:
Ինչպէս կը նշէ The Guardian-ը, 74-ամեայ Ճոն Շիփթընը դիմած է Աւստրալիոյ կառավարութեանը՝ կոչ ընելով «ինչ-որ բան ընել» Ասանժի համար, օգնել անոր:
Մելպուռն բնակող Շիփթընը դիմած է Աւստրալիոյ վարչապետ Սքոթ Մորիսընին եւ արտաքին գործոց նախարարութեան:
Սակայն երկրի իշխանութիւնները աւելի վաղ յայտարարած էին, որ Ասանժին «առանձնայատուկ վերաաբերմունք» կարելի չէ ցուցաբերել եւ որ ան միայն հիւպատոսութեան մակարդակով աջակցութիւն կը ստանայ: Միեւնոյն ժամանակ արտաքին գործոց նախարարը ըսած էր, որ Աւստրալիան Մեծ Բրիտանիոյ խորհուրդ տուած է Ասանժը ԱՄՆ չարտայանձնել, եթէ այնտեղ անոր մահապատիժ կը սպառնայ:
Յատկանշական է, որ բրիտանացի ընդդիմադիր խորհրդարականեր եւս դէմ եմ, որ Ասաժը ԱՄՆ արտայանձնուի:
Յիշեցնենք, որ WikiLeaks-ի հիմնադիրը Լոնտոնի մէջ Էքուատորի դեսպանատունը կը գտնուի 2012 թուականէն: Ան ապաստան խնդրած էր, որպէսզի խուսափի Շուէտ արտայանձնելէ, ուր Ասանժը մեղադրած են բռնաբարութեան, ինչպէս նաեւ ոտնձգութեան եւ սեռական բնոյթի գործողութիւններու հարկադրելու մէջ: WikiLeaks-ի հիմնադիրը նաեւ կը վախնայ ԱՄՆ արտաքսուելէն, ուր անոր կը սպառնայ մինչեւ 35 տարուան բանտարկութիւն կամ մահապատիժ Պետքարտուղարութեան գաղտնի փաստաթուղթերը հրապարակելու համար: