image

Էրտողանի փեսան պայմանական բանտարկութեան վճիռ ստացաւ

Էրտողանի փեսան պայմանական բանտարկութեան վճիռ ստացաւ

Թուրք ֆութպոլիստ Արտա Թուրանը, որ ներկայիս հանդէս կու գայ իր հայրենիքի մէջ, սակայն որու փոխադրութեան իրաւունքները կը պատկանին «Պարսելոնային», երկու տարի 8 ամսուան ազատազրկման դատապարտուած է:

Ինչպէս կը հաղորդեն թրքական աղբիւրները, 32-ամեայ ֆութպոլիստի պատիժը պայմանական բնոյթ կը կրէ, քանի որ անցեալին ան դատապարտուած չէ եղած: Թուրանը ազատութենէն պիտի զրկուի յառաջիկայ տարիներուն կրկին իրաւախախտման գրանցման պարագային:

  
2018-ի հոկտեմբերին Թուրանը ծեծկռտուքի մէջ եղած էր թուրք երգիչ Պերքայ Շահինի հետ Պոլսոյ գիշերային ակումբներէն մէկուն մէջ եւ կոտրած էր կատարողի քիթը: Տուժածի խօսքով՝ Թուրանը անհանգստացուցած էր իր կնոջը:

Ֆութպոլիստը, իր հերթին, բախումը մեկնաբանած էր թիւրիմացութեամբ: Աւելի ուշ Թուրանը ներողութիւն խնդրած էր Շահինէն:
 
2018-ին Թուրանը ամուսնացած է Թուրքիոյ նախագահ Ռեճէպ Թայէպ Էրտողանի դստեր՝ Ասլիհան Տողանի հետ: