15.09c
Երեվան
կրկ, հլս 06
Պէյրութը ցնցած պայթումին մասին նոր տեղեկութիւններ կը հասնին։
Նախնական տուեալներով, տեղի ունեցած պայթումին տարողութիւնը եղած է շատ մեծ եւ նոյնիսկ աննախադէպ։
Կան տասնեակ վիրաւորներ, պայթումը պատճառ դարձած է նաեւ նիւթական մեծ վնասներու:
Պայթումին ցնցումները զգացուած են մայրաքաղաքի շուրջ եղող տարբեր արուարձաններու մէջ, իսկ պայթումին մօտ եղող շրջաններու շէնքերու պատուհաններու ապակիները փշրուած են:
Կան տասնեակ վիրաւորներ, իսկ երկրի առողջապահութեան նախարարութիւնը կոչ ուղղած է հիւանդանոցներուն՝ արագօրէն ընդունիլ բոլոր վիրաւորները։
Ուշագրաւ վկայութիւն մը տալով, Պէյրութի մէջ AFP-ի լրագրողը նշած է, որ «պայթումը աւելին էր քան երկրաշարժը»: Ան նաեւ նկատել տուած է, որ պայթումը մեծ վնասներ տուած է ամբողջ շրջանին։
Պայթումին իրական պատճառներուն մասին կան մի քանի վարկածներ, սակայն այդ մասին հաստատուած տուեալներ դեռ կը պակսին։
