13.09c
Երեվան
հնգ, նմբ 21
Լաւ որ կայ Պուրճ Համուտի քաղաքապետութիւնը, որ իր իրապէս սահմանափակ կարողութիւններուն սահմաններուն մէջ կը փորձէ լուծում գտնել աղբահանութեան երեւոյթին, այլապէս «Սուքլին»-ի աշխատանքի դադրեցման պատճառով ով գիտէ աղբերը ինչքան պիտի կուտակուէին շրջանի փողոցներուն մէջ: Անգամ մը եւս ականատես կը դառնանք, թէ ինչքան անատակ է կեդրոնական պետութիւնը քաղաքացիներուն տարրական պէտքերը՝ այս պարագային աղբահանութեան հարցերը հոգալու առումով: Եւ կը մտածենք, որ կոնկրետ այս հարցով աւելի լաւ չէ՞ր ըլլար, որ շրջաններուն աւելի լայն իրաւասութիւններ տրուէին վարչական ապակեդրոնացումի ծիրին մէջ: Նորէն կը կրկնենք, վարձքը կատար Պուրճ Համուտի քաղաքապետութեան մէջ աղբահանութեան աշխատանքը իրենց ուսերուն վերցուցած մարդոց, այլապէս չեմ գիտեր ինչ վիճակի մէջ պիտի գտնուէինք Նաամէի աղբանոցին փակումին պատճառով:
