24.09c
Երեվան
կրկ, հլս 06
Թրքական diken.com.tr կայքը կը գրէ, որ Թուրքիոյ նախագահ Ռեճէպ Թայէպ Էրտողան յայտարարած է, որ որ շատ վճռական է «կրօնապաշտ» սերունդ մեծցնելու հարցին մէջ եւ մօտ ապագային այդ ուղղութեամբ լուրջ քայլեր պիտի ձեռնարկէ:
Էրտողան ըսած է. «Ալլահի կամքով՝ ոչ ոք պիտի կրնայ իջեցնել թրքական դրօշը ու լռեցնել մեր մզկիթներու աղօթքը: Մենք վճռական ենք մեծցնելու սերունդ մը, որ լաւ կը ճանչնայ իր կրօնն ու մշակոյթը»:
Նշենք, որ Թուրքիան Օսմանեան կայսրութեան տապալումէն յետոյ անցած է աշխարհիկ հասարակութեան եւ մշակուած է եւրոպական տիպի սահմանադրութիւն, արգիլուած է հիճապը, կանայք ներառուած են կրթական համակարգի մէջ, բազմաթիւ մզկիթներ վերածուած են արուեստի կեդրոններու, դպրոցներու եւ զինանոցներու:
1980-ի ռազմական յեղաշրջումէն յետոյ պաշտօնապէս արգիլուեցաւ գլխաշոր կրել ուսումնական եւ պետական հաստատութիւններու մէջ:
Յետագային, Էրտողանը եւ իր կուսակցութիւնը վերացուցին գլխաշոր կրելու արգելքը: Նշենք, որ այդ եղած էր Էրտողանի քարոզարշաւի առանցքային կէտերէն մէկը:
