11.09c
Երեվան
կրկ, մյս 19
Վրաստանի նախագահ Սալոմէ Զուրապիշվիլին, Ծիծեռնակաբերդի յուշահամալիրին մէջ, յարգանքի տուրք մատուցած է Հայոց Ցեղասպանութեան զոհերու յիշատակին:
Վրաստանի նախագահը ծաղիկներ խոնարհած է Հայոց Ցեղասպանութեան զոհերու յիշատակը յաւէրժացնող անմար կրակի մօտ:
Սալոմէ Զուրապիշվիլին եղած է նաեւ Հայոց Ցեղասպանութեան թանգարան-հիմնարկին մէջ, ծանօթացած է Ցեղասպանութեան մասին վկայող նիւթերուն. գրառում կատարած է Հայոց Ցեղասպանութեան թանգարան-հիմնարկի պատուաւոր հիւրերու յուշամատեանին մէջ:
Վրաստանի նախագահին կ՝ուղեկցէին ՀՀ փոխվարչապետ Տիգրան Աւինեանը եւ Երեւանի քաղաքապետ Հայկ Մարութեանը:
Նշենք, որ սա որպէս նախագահ Զուրապիշվիլիի առաջին այցն է Հայաստան: Տարածաշրջանային շրջագայութիւնը Զուրապիշվիլին սկսած է Ատրպէյճանէն, ուր նախագահ Ալիեւի հետ քննարկած է երկու երկիրներու ռազմավարական համագործակցութեան հիմնական առաջնահերթութիւնները:
Յիշեցնենք, որ 16 դեկտեմբերին Հայաստանի Հանրապետութեան նախագահ Արմէն Սարգսեանը Վրաստանի Թելաւի քաղաքին մէջ ներկայ գտնուած էր Սալոմէ Զուրապիշվիլիի երդմնակալութեան պաշտօնական արարողութեան:
Վրաստանի մէջ գտնուելով՝ նախագահ Սարգսեանը շեշտած էր, որ կ'ակնկալէ աշխատիլ Վրաստանի նոր իշխանութիւններուն հետ:
