10.09c
Երեվան
երկ, սպտ 30
ՀՀ իշխանափոխութենէն ետք «Տաւուշը յանուն հայրենիքի» շարժման առաջնորդ Բագրատ արքեպիսկոպոս Գալստանեանը վարչապետի պաշտօնին առաջադրելու պաշտօնական որոշում չկայ։ Ան այդ մասին ըսած է քաղաքական ուժերու հետ հանդիպումէն ետք`պատասխանելով լրագրողներու հարցերուն։
«Նման որոշում պաշտօնական չկայ։ Այստեղ ներկայ քաղաքական ուժերի ներկայացուցիչները ցանկութիւն եւ համախոհութիւն են յայտնել այս ամբողջ շարժմանն ու գաղափարին, ինչպէս նաեւ համագործակցութեան մեծ դաշտ գոյացնելու»,- նշած է սրբազանը։
Հարցին, թէ երբ յստակ որոշում պիտի ըլլայ վարչապետի թեկնածուի առումով, ան ընդգծած է՝ նախ պէտք է Վեհափառ հայրապետի հետ խօսի այդ հարցի շուրջ՝ հասկնալու՝ ի վերջոյ այդպէս պէտք է շարժիլ, թէ այլ ճանապարհով։
«Ես սեփական ջանքերով առաջադրուելու ո՛չ ցանկութիւն ունեմ, ո՛չ էլ մղում։ Ժողովուրդը պէտք է առաջադրի, հաստատի։ Մեր քաղաքական դաշտի գործողներն իրենց մտքերը յայտնել են այդ մասով։ Նոյն սեղանի շուրջ այնպիսի մարդիկ են նստել այսօր, որ այլ պայմաններում չեմ կարծում, թէ կը բարեւէին իրար»,-ըսած է սրբազանը։
Բագրատ արքեպիսկոպոսը նշած է, որ միւս կիրակի պիտի հանդիպի Ամենայն հայոց կաթողիկոս Գարեգին Երկրորդի հետ։
