13.09c
Երեվան
հնգ, նմբ 21
Սփիւռքահայ գրող-հրապարակախօս, Նիւ Եորքի գիտութիւններու ակադեմիայի պատուաւոր անդամ՝ Յակոբ Այնթապլեանի բանաստեղծութեան հիման վրայ գրուած երգի երաժշտութեան հեղինակն է ԵՊԿ դասախօս, երգահան Մարգարիտ Սարգսեանը:
18 Օգոստոսին Ա. Սպենդիարեանի տուն-թանգարանի դահլիճին մէջ կայացաւ «Թաքուն…անխօս» երգի երեւանեան շնորհանդէսը։ Տեղեկութիւնը ստացանք թանգարանէն:
Սփիւռքահայ գրող-հրապարակախօս, Նիւ Եորքի գիտութիւններու ակադեմիայի պատուաւոր անդամ՝ Յակոբ Այնթապլեանի բանաստեղծութեան հիման վրայ գրուած երգի երաժշտութեան հեղինակն է ԵՊԿ դասախօս, երգահան Մարգարիտ Սարգսեանը:
Ցուցադրուեցաւ երգի տեսահոլովակը՝ հանրապետական եւ միջազգային մրցոյթներու դափնեկիր՝ Անդրանիկ Մալխասեանի մասնակցությամբ, իսկ միջոցառման ընթացքին, ներկաները «Թաքուն…անխօս» երգը վայելեցին օփերայի երգչուհի՝ Տիանա Յարութիւնեանի անզուգական կատարմամբ:
Միջոցառման ընթացքին, նշանաւոր գիտնական՝ Յակոբ Այթապլեան հանդէս եկաւ «Հայոց լեզուն եւ հայրենատիրութիւնը» խորագրով բանախօսութեամբ:
Յագեցած երեկոն աւարտեցաւ համերգով։ հայ երգահաններու ստեղծագործութիւնները հնչեցին սոփրանօ Տիանա Յարութիւնեանի եւ դաշնակահար Մարգարիտ Սարգսեանի կատարմամբ:
Միջոցառումը նախաձեռնեց եւ վարեց Վահագն Զաքարեանը:
