15.09c
Երեվան
հնգ, ապր 30
Սեւ ծովու՝ ռուսական ջրային տարածքին մէջ միջադէպ տեղի ունեցած է: Բրիտանական Defender ականակիր նաւը հատած է Ռուսաստանի ծովային սահմանը եւ 3 քմ խորացած դէպի ՌԴ տարածք՝ Ղրիմի Ֆիոլենտ հրուանդանի մօտակայքը:
Ինչպէս կը ներկայացնէ «ՌԻԱ Նովոստի»-ն, սահմանապահները բազմիցս պահանջած են արտասահմանեան ռազմանաւէն լքել ջրային տարածքը, այնուհետեւ նախազգուշացնող կրակ բացած են:
ՌԴ Անվտանգութեան դաշնային ծառայութիւնը տեսագրութիւն հրապարակած է, որուն մէջ կը ներկայացուի բրիտանական Defender ականակիր նաւու հետ եղած միջադէպը:
Լոնտոնէն յայտարարած են, որ ռազմանաւը խաղաղ արշաւ կ'իրականացնէր Ուքրանիոյ ջրային տարածքներուն մէջ՝ միջազգային իրաւունքի համաձայն:
