-6.91c
Երեվան
երկ, դկտ 29
Սարսափելի հրդեհ մը ծագած է Պաղտատի «Ժըսր տիալա» շրջանին մէջ գտնուող «Ըպն ալ խաթիպ» հիւանդանոցին մէջ։
Այս մասին «Արեւելք» տեղեկութիւն քաղեց «Սքայ նիւզ Արապիա» կայքէն։
Աղբիւրը նաեւ հաղորդեց, որ հրդեհը ծագած է «Քովիտ»էն բուժուելու համար նախատեսուած հիւանդանոցին մէջ, որուն հետեւանքով ալ մահացած են 80-է աւելի անձեր, իսկ վիրաւորներուն թիւը անցած է 110-ն։
Կը նշուի նաեւ, որ հրդեհը հետեւանք էր թթուածինի ամբարին մէջ եղած պայթումի մը։
Իր կարգին Իրաքի վարչապետ Մուսթաֆա Ալ Քազէմի ցաւ յայտնած է եղածին վերաբերեալ նշելով, որ դէպքը հետեւանք է երկար տարիներու ընթացքին երկրին մէջ տիրող մթնոլորտին ու նաեւ կուտակուած սխալներուն։
Ան իրաւապահ մարմիններուն յորդորած է արագօրէն քննութիւն բանալ եղածին շուրջ ու նաեւ պատժել յանցաւոր կողմերը։
