1.09c
Երեվան
կրկ, դկտ 22
Պատմութեան մէջ ամենայանդուգն կողոպուտներէն մէկը իրականացնողները սիլիքոնէ դիմակ օգտագործած են Ֆրանսայի պաշտպանութեան նախարար Ժան Իվ Լը Տրիանը նմանակելու եւ անոր միջոցով իրենց զոհերէն 90 միլիոն տոլարի գումար կորզելու համար:
Լը Տրիանը պաշտպանութեան նախարարի պատօնը զբաղցուցած է 2012-2017 թուականներուն, իսկ այժմ երկրի Եւրոպայի եւ արտաքին գործերու հարցերով նախարարն է: Ան բաւականին ազդեցիկ քաղաքական գործիչ է, սակայն նաեւ ոչ հասկնալի անձնաւորութիւն, ինչն ալ, ըստ քննիչներու, ստիպած է յանցագործներուն անոր ընտրել որպէս ազդեցիկ կերպար իրենց խարդախութիւններու համար:
Ինչպէս կը ներկայացնէ Oddity central-ը, խաբեբաներէն մէկը, յատուկ պատրաստուած սիլիքոնէ դիմակ կրելով, ներկայացած է որպէս պաշտպանութեան նախարար եւ մեծահարուստ այցելուներէն՝ ֆրանսացի կամ արտասահմանեան գործարարներէն գումար խնդրած որպէս փրկագին Միջին Արեւելքի մէջ իսլամիսթներու մօտ պատանդ գտնուող լրագրողներու համար:
Նախ անոնք հեռախօսազանգով կապ հաստատած են իրենց զոհերուն հետ, այնուհետեւ տեսազանգեր Skype-ի միջոցով: Իրենց ծրագիրը իրագործելու համար խաբեբաները յատուկ կահաւորած են «նախարարի գրասենեակը»՝ դրօշներով եւ անգամ այն ժամանակուայ նախագահ Ֆրանսուա Օլանտի նկարով:
Անոնք զոհերէն խնդրած են գումարը փոխանցել Չինաստանի մէջ բացուած հաշուեհամարին, որպէսզի այն հնարաւոր չըլլայ վերահսկել: Գումար խնդրելու ժամանակ կեղծ նախարարը պարզաբանած է, որ Ֆրանսայի կառավարութիւնը օրէնքի համաձայն գումար չի տրամադրեր որպէս փրկագին:
Այդպիսով, 2015-2017 թուականներուն յանցախումբը յաջողած է 90 միլիոն տոլար կործել բաւականին յայտնի եւ հարուստ մարդոցմէ: BBC-ի տուեալներով՝ գումարի կէսը փոխանցած է թուրք գործարարը, որու անունը չի նշուիր: Յայտնի է նաեւ, որ մեծահարուստ արքայազն Քարիմ Աղա-Խան IV-ը 18 միլիոն եւրօ կորսնցուցած է: Խաբեութեան զոհ դարձած մեծահարուստներէն ոչ ոք ցանկացած է զրուցել ԶԼՄ-ներու հետ:
