22.09c
Երեվան
շբթ, մյս 03
Օրեր առաջ իր մահկանացուն կնքած է ազգային-հասարակական գործիչ, բարերար, գործարար՝ Լեւոն Ահարոնեանը: Տեղեկութիւնը կը փոխանցէ իրանահայ «Ալիք» օրաթերթը:
Լեւոն Ահարոնեան ծնած էր 1930 թուականին, հայկական պատմական Սալմաստ գաւառի Հաֆթուան գիւղը:
1980-ական թուականներուն երկար տարիներ եղած է Թեհրանի Հայոց Թեմական խորհուրդի անդամ եւ ատենապետ։
Հայաստանի վերանկախացումէն ետք ան առանցքային դերակատարութիւն ունեցած է Իրան-Հայաստան առեւտրատնտեսական յարաբերութիւններու ձեւաւորման եւ զարգացման գործին մէջ։
Գործիչի անմիջական ջանքերով կառուցուած է Իրանը Հայաստանին կապող ժամանակաւոր կամուրջը։
1993 թուականին, ան իր գործընկերներուն հետ հիմնադրած է Իրան-Հայաստան առեւտուրի պալատը, զոր ղեկավարած է երկար տարիներ։
Բարերարի միջոցներով կառուցուած է Թեհրանի Զէյթուն թաղամասի հայոց ազգային «Ա. Ա. Ահարոնեան» մանկապարտէզը։
Ան բարերարութիւններ կատարած է նաեւ Հայաստանի մէջ. իր ներդրումով վերանորոգուած են դպրոցներ, հիմնանորոգուած է Հայաստանի Բնութեան թանգարանը:
Լեւոն Ահարոնեան եղած է նաեւ «Յոյս» հասարակական-մշակութային հանդէսի հիմնադիրը
