22.09c
Երեվան
հնգ, ապր 25
Անցեալ շաբաթ Պէյրութի հարաւային արուարձանը հարուածած ահաբեկչութեան ընթացքին քաղաքացի մը, նախազգալով պատրաստուած երկրորդ պայթումին վտանգը, «ինքզինք նետած է» ահաբեկիչին վրայ` այդպիսով խնայելով հարիւրաւոր մարդոց կեանքը: Նշենք, որ երիտասարդը, որ կը կոչուի Ատէլ Թըրմոս, պայթումի ժամերուն ներկայ եղած է շրջանի մզկիթին մէջ տեղի ունեցող Ուրբաթ օրուան աղօթքին ու պատահմամբ մզկիթէն դուրս գալու պահուն նկատած է անծանօթ մէկու մը ոչ սովորական շարժումները: Թըրմոս այնուհետեւ ինքզինք նետած է ականուած գօտի կրող ահաբեկիչին վրայ ու անկէ ետք լսուած է երկրորդ ծանր պայթումը: Ըստ լրատուական աղբիւրններու` ահաբեկիչը մտադիր էր մզկիթ մուտք գործելով մեծ թիւով մարդոց սպաննութեան պատճառ ըլլալ: Թըրմոս, որ ամուսնացած է ունէր երկու զաւակներ եւ կ'ուգար Լիբանանի հարաւային Թաննուսա աւանէն: Նշենք, որ Պըրժ Ալ Պարաժնէի պայթումին հետեւանքով 40 անձեր զոհուած էին, իսկ վիրաւորներուն թիւը հասած էր 200-ի:
