24.09c
Երեվան
շբթ, օգս 09
Ազատութեան հրապարակի մէջ 17 քաղաքական ուժերու հանրահաւաքի մասնակիցները ոստիկանութիւնը բերման կ'ենթարկէ՝ հիմնաւորելով, որ ռազմական դրութեան ընթացքին չի թոյլատրուիր հաւաքներ կայացնելը: Այս գործողութիւններու ընթացքին բերման ենթարկուած են խումբ մը նախկին պաշտօնեաներ, այդ շարքին՝ ՀՀԿ վարչութեան անդամ Էտուարտ Շարմազանովը:
Բողոքի ցոյցի մասնակից ԱԺ «Բարգաւաճ Հայաստան» խմբակցութեան անդամ Իւեթա Տօնոյեանը լրագրողներու հետ զրոյցի ժամանակ ըսած է, որ վարչապետը սլաքները կ'ուղղէ Գագիկ Ծառուկեանի ուղղութեամբ, բայց այս գործելաոճը կը շարունակէ տարօրինակ թուալ:
Լրագրողները հարցուցած են, թէ արդեօ՞ք իրենք մասնակցած են պատերազմին: Տօնոյեանը պատասխանած է.
«Ես հիմա ռազմական գաղտնիքներ պիտի չբացայայտեմ, կը կարծեմ, որ Նիկոլ Փաշինեանը ի պաշտօնէ պէտք է տեղեակ ըլլար, թէ ինչ ջոկատներ կազմաւորուած են եւ ինչ գործընթացներ եղած են: Մենք ըսած ենք, որ այս գործընթացը չիրականացուիր այսպէս յախուռն անկազմակերպ, բոլորը համաձայնեցուած է ԶՈՒ ԳՇ-ի հետ, կազմաւորուած են ջոկատներ եւ իրականացուած է գործառոյթներ, վարչապետը պարտաւոր էր իմանալ»:
Իւեթա Տօնոյեանը յայտարարած է, որ հիմա Ծառուկեանը կալանաւորած են, կը տանին Ազգային անվտանգութեան ծառայութիւն:
