-2.91c
Երեվան
ուրբ, դկտ 26
Իսրայէլի վարչապետի գրասենեակը յայտարարած է, որ պաղեստինեան «Համաս» խմբաւորումը խախտած է Կազայի մէջ հրադադարի համաձայնագիրը. պայթուցիկ սարքի պատճառով վիրաւորուած է իսրայէլեան բանակի սպայ։
Ըստ Իսրայէլի վարչապետի գրասենեակի տարածած հաղորդագրութեան՝ միջադէպը տեղի ունեցած է Ռաֆահի մէջ։ Իսրայէլեան կողմը կ՚ակնկալէ, որ պաղեստինեան խմբաւորումը լիարժէքօրէն պիտի պահպանէ հրադադարի պայմանները եւ զերծ պիտի մնայ գործողութիւններէն, որոնք կրնան խաթարել ձեռք բերուած պայմանաւորուածութիւնները։
Միեւնոյն ժամանակ «Համաս»-ը հերքած է իր մասնակցութիւնը պայթումին, որու հետեւանքով վիրաւորուած է իսրայէլցի սպան։ Խմբաւորման բարձրաստիճան ներկայացուցիչի խօսքով՝ Ռաֆահի մէջ տեղի ունեցածը պայմանաւորուած եղած է Իսրայէլի կողմէ նախապէս տեղադրուած ռումբերու պայթումով։
Ան աւելցուցած է, որ այդ մասին «Համաս»-ը տեղեկացուցած է հրադադարի միջնորդներուն՝ ընդգծելով, որ խմբաւորումը շահագրգռուած է Կազայի մէջ հրադադարի պահպանմամբ եւ իրավիճակի հետագայ սրում թոյլ չտալու հարցով։
