16.09c
Երեվան
հնգ, հնս 19
Թուրքիա- («Հիւրիյէթ»- Պոլիս) Թուրքիոյ բանակի սպայակոյտի պետը Պաքու իր տուած այցէն ետք բարձր գնահատած է երկու երկիրներուն միջեւ առկայ համագործակցութիւնը: Զօր. Հուլուսի Աքար, որ 5 եւ 6 Հոկտեմբերին Պաքու գտնուելով հանդիպումներ ունեցած Ազրպէյճանի քաղաքական վերնախաւին հետ ըսած է, որ յատկապէս զինուորական ոլորտին մէջ երկու երկիրներու միջեւ առկայ կապերը կը գտնուին բարձր մակարդակի մը վրայ: Ազրպէյճանի նախագահ Իլհամ Ալիեւի հետ իր ունեցած տեսակցութիւնէն զատ ան նոյնպէս փակ հանդիպում ունեցած է Ազրպէյճանի պաշտպանութեան նախարար Զաքիր Հասանովին հետ: Յիշեցնենք, որ Ազրպէյճանի կողմէ արցախեան սահմանին ուղղութեամբ թրքական հրթիռներու օգտագործումը երեւելի դարձած է յատկապէս վերջին շրջանին: Թրքական TR-107 տեսակի հրթիռով մը Հայաստանի հակառակաորդ երկիրը հայկական սահմանապահ դիրք մը խոցելով չորս հայ զինուորներու մահուան պատճառ դարձած էր:
