-0.91c
Երեվան
չրք, դկտ 31
Հայաստանն ու Իրանը կ՚աշխատին Արաքս գետի վրայէն նոր կամուրջի կառուցման նախագիծի վրայ։ Այժմ մասնագէտները արհեստատնտեսական ուսումնասիրութիւն կ՚իրականացնեն կամուրջի հետագայ նախագծման համար։ Այս մասին «Spuntik Արմենիա»ի հետ զրոյցին յայտնած է ՀՀ տարածքային կառավարման եւ ենթակառուցուածքներու փոխնախարար Քրիսթինէ Ղալեչեանը։
«Մենք պէտք է ճշդենք կամրջի կառուցման տեխնիկական ցուցանիշները։ Ընդ որում, հաշուի կ՚առնուեն գործող կամրջի պարամետրերը, մասնաւորապէս՝ դրա թողունակութիւնը», -ըսած է Ղալեչեանը։
Չի բացառուիր, որ նոր կամուրջը գործողին զուգահեռ կառուցուի։ Միաժամանակ փոխնախարարը կոչ ըրած է չշտապելու եւ սպասելու արհեստատնտեսական ուսումնասիրութեան աւարտին, որ կ՚օգնէ որոշել նոր կառոյցի երկարութիւնը, լայնութիւնը, թողունակութիւնը եւ այլ յարաչափերը:
Ինչ կը վերաբերի «Հիւսիս-Հարաւ» մեքենաներու ճանապարհի ամենահարաւային հատուածի կառուցման՝ Իրանին սահմանակից Ագարակէն մինչեւ Քաջարան քաղաք (32 քմ), Ղալեչեանը նշած է, որ, ամենայն հաւանականութեամբ, աշխատանքներու աշխուժ փուլը կը սկսի 2024 թուականի փետրուարէն։
