Հայոց Ցեղասպանութեան ճանաչման հարցով, ոչ մէկ ամերիկեան վարչակարգ այսքան մօտ չէ եղած, բայց... Սուրէն Սարգսեանի գրառումը

401
08/04/2021

Հայոց Ցեղասպանութեան ճանաչման հարցով, ոչ մէկ ամերիկեան վարչակարգ այսքան մօտ չէ եղած, բայց... Սուրէն Սարգսեանի գրառումը

Միջազգայնագէտ Սուրէն Սարգսեանը դիմատետրեան իր էջին «Պայտընն ու Ցեղասպանութեան ճանաչումը. Հայ համայնք vs ՀՀ իշխանութիւններ» վերտառութեամբ գրառում կատարած է: Ան մասնաւորապէս նշած է՝ ԱՄՆ հայ համայնքը դաշնակիցներ ունի Պայտընի քաղաքական մեծ խումբին մէջ՝ օրէնսդիրէն մինչ գործադիր, որոնք լոպպինկ կ'ընեն, ինչու չէ՝ նաեւ ճնշումներ կը կիրառեն Սպիտակ Տան վրայ: Գրառումը՝ ստորեւ.

«Պնդել, որ Պայտընը ճանաչելու է Ցեղասպանութիւնը, բնականաբար չեմ կարող: Բայց պնդել, որ ճանաչմանը այսքան մօտ կանգնած վարչակազմ երբեք չի եղել ԱՄՆ պատմութեան մէջ, միանշանակ կարող եմ:

Համայնքն ահռելի աշխատանք է տանում այս վարչակազմի հետ՝ ճանաչման ուղղութեամբ: Հայ համայնքը դաշնակիցներ ունի Պայտընի քաղաքական մեծ խմբում՝ օրէնսդիրից մինչ գործադիր, ովքեր լոպպինկ են անում, ինչու չէ՝ նաեւ ճնշումներ են կիրառում Սպիտակ Տան վրայ:

Հակառակ գործընթաց են տանում ՀՀ իշխանութիւնները: Սկզբում Անվտանգության խորհրդի քարտուղարը, յետոյ ԱԺ փոխխօսնակը, յետոյ էլ Ուաշինկթընում ՀՀ յաջորդ դեսպանը (սա ամենավտանգաւորն է) յայտարարում են Թուրքիայի հետ հաշտեցման մասին: Նոյնն էլ անում է նաեւ Թուրքիան, քանի որ ճանաչման գործընթացը կարող է դադարեցուել, եթէ կողմերը սկսեն բանակցել:

Ըստ ԱԳՆ-ի, պաշտօնական բանակցութիւններ չկան, բայց հաւանաբար կայ «2nd track diplomacy» կամ նոյնիսկ «1.5 track diplomacy», ինչը հանրութիւնից (միգուցէ նաեւ ԱԳՆ-ից) գաղտնի է պահուում:

Ցաւալիօրէն հայ համայնքի ջանքերին հակառակուում են Թուրքիան եւ ՀՀ իշխանութիւնները»: