image
Հրատապ լուրեր:

Հայաստանը փաստացի չէ դադարեցուցած իր անդամակցութիւնը ՀԱՊԿ-ին. Ղազախստանի Արտաքին գործոց փոխնախարար

Հայաստանը փաստացի չէ դադարեցուցած իր անդամակցութիւնը ՀԱՊԿ-ին. Ղազախստանի Արտաքին գործոց փոխնախարար

Ղազախստանի իշխանութիւնները կ՚աշխատին Հաւաքական անվտանգութեան պայմանագրի կազմակերպութեան (ՀԱՊԿ) ամրապնդման ուղղութեամբ։ Այս մասին լրագրողներուն յայտնած է Ղազախստանի արտաքին գործոց փոխնախարար Ռոման Վասիլենքօն, հաղորդած է ԹԱՍՍ-ը։

Անոր խօսքով՝ կազմակերպութիւնը կը շարունակէ իր գործունէութիւնը։ Ղազախստանը տուեալներ չունի այն մասին, թէ արդեօք Հայաստանը իրաւական քայլեր ձեռնարկա՞ծ է ՀԱՊԿ-էն դուրս գալու համար, պարզաբանած է Արտաքին գործոց փոխնախարարը։

«Մենք կը լսենք յայտարարութիւն Հայաստանի կողմէ ՀԱՊԿ-ին իր մասնակցութիւնը փաստացի դադրեցնելու մասին: Որքանով ես գիտեմ, Հայաստանը որեւէ իրաւական քայլ չէ ձեռնարկած ՀԱՊԿ-ին իր անդամակցութիւնը կասեցնելու համար։ Այսինքն՝ Հայաստանը «տե իւրէ» չէ դադրեցուցած իր անդամակցութիւնը ՀԱՊԿ-ին»,- պարզաբանած է արտաքին գործոց փոխնախարարը։

Աւելի վաղ Հայաստանի վարչապետ Նիկոլ Փաշինեանը France 24-ին տուած հարցազրոյցին մէջ ըսած էր, որ Երեւանը սառեցուցած է մասնակցութիւնը ՀԱՊԿ-ին։  

Փաշինեանը նաեւ ըսած էր, որ «հիմա մենք դե ֆակտօ սառեցրել ենք ՀԱՊԿ-ի հետ շփումը, եթէ այս պրոցեսը շարունակուի, դե իւրէ էլ պիտի սառեցնենք»: