20.09c
Երեվան
չրք, հլս 03
Լիբանան- Զմմառու վանքէն ներս արդէն 10-րդ օրն է, որ կը շարունակուին Հայ Կաթողիկէ Պատրիարքի ընտրութեան համար գումարուող նիստերը: Կաթողիկէ 15 եպիսկոպոսներէ գոյացած Սիւնոտական ժողովը ցարդ չէ կրցած նոր Պատրիարքի ընտրութիւնը կայացնել: Կան թեր եւ դէմ կարծիքներ եւ նախօրօք շրջառութեան մէջ եղող հիմնական 3 թեկնածուները մինչեւ այս պահը չեն կրցած Պատրիարք ընտրուելու անհրաժեշտ քուէներուն, երկու երրորդը ապահովել: Մեր ունեցած տեղեկութիւններուն համաձայն Վատիկան կրնայ յառաջիկայ ժամերուն դիպուկ միջամտութիւն կատարելով, ժողովը նոր հունի տանիլ: Այսինքն, մեծ հաւանականութիւն կայ,որ Զմմառու պատմակերտ վանքէն յառաջիկայ ժամերուն Պատրիարքի ընտրութունը աւետող սպիտակ ծուխի բարձրացումը տեսնել: Ըստ նոյն աղբիւրներուն Վատիկան Հայ Կաթողիկէ Պատրիարքի պաշտօնին համար ունի երկու հիմնական թեկնածուներ: Երկու թեկնածուներն են ՝ Հայ Կաթողիկէ Եկեղեցւոյ Արեւելեան Եւրոպայի եւ Հայաստանի Առաջնորդ՝ Տ. Ռաֆայէլ Եպս. Մինասեան եւ Պոլսոյ Հայ Կաթողիկէ Առաջնորդ Տ. Լեւոն Եպս. Զէքիեան: Տ. Լեւոն Զէքիեանի թեկնածուութեան հարցը միայն վերջին ժամերուն սկսաւ շրջառաութեան մէջ դրուիլ: Գիտական բարձր կոչումներ եւ Հայ եկեղեցականի վայել բոլոր արժանիքները ունեցող Տ. Զէքիեան սրբազան նոյնպէս կը համարուի Ֆրանչիսկոս Քահանայապետին ամէնէն նախընտրելի թեկնածուն:«Արեւելք» պիտի շարունակէ հետեւիլ պատմական այս իրադարձութեան:
