15.09c
Երեվան
ուրբ, ապր 25
Օրերս Եվթոպիայի մայրաքաղաք՝ Ատիս Ապապայի մէջ բարձրացած բողոքի եւ զայրոյթի ալիք մը, յայտնի երգիչ ու երգահան՝ Հաշալօ Հոնտիսայի սպանութեան հետեւանքով: Բողոքի ցոյցերն ու խռովութիւնները պատճառ դարձան 59 քաղաքացիներու սպանութեան:
Աւելի ուշ երկրի վարչապետ Ապի Ահմատ ելոյթ ունենալով, յայտարարած է թէ «երգիչի սպանութիւնը ծրագրուած գործ էր, մեր ներքին ու արտաքին թշնամիներու կողմէ, խաթարելու մեր խաղաղութիւնը եւ խոչընդոտելու մեր սկսած գործը»:
Իր կարգին ոստիկանութիւնը յայտարարած է թէ Հաշալօ սպանուած է ատրճանակով Երկուշաբթի, 29 Յունիսի երեկոյեան աւելցնելով որ ոճրագործութիւնը լաւ ձեւով ծրագրուած եղած է: Ըստ Ատիս Ապապայի ոստիկանապետին՝ կրցած են ձերբակալել քանի մը կասկածեալ:
Իսկ Եվթոպիոյ Դաշնային ոստիկանապետը՝ Անտիշօ ըսած է թէ երեք պայթումներ ցնցած են քաղաքը խլելով անմեղ զոհեր, սակայն մանրամասնութիւններ չէ տուած: Ան պարզած է թէ ոստիկան մը սպանուած է, երբ բախում տեղի ունեցած է Լրագրող Ճոհար Մուհամմատի պահակախումբին հետ:
Նշենք, որ Վարչապետը, Ճոհարն ու սպանուած երգիչը կը պատկանին Օրօմօ ցեղին, որ ամենամեծ թիւ ունեցող ցեղն ըլլալով հանդերձ, միշտ անտեսուած մնացած է երկրին մէջ, մինչեւ Ապիի վարչապետ նշանակուիլը 2018-ին:
Ըստ Անտիշօյին, ձերբակալած են Ճոհար Մուհամմատը եւ այլ քաղաքական գործիչներ:
Ճոհար, որ գլխաւոր աջակիցն էր Ապիի, դարձած էր ուժեղ ընդդիմադիրը:
Ճոհար անդրադառնալով Հաշալոյի սպանութեան, արտայայտուած է իր ֆէյսպուքեան էջին գրելով ՝ «Անոնք ոչ միայն Հաշալօն սպանեցին, այլ Օրօմօ ցեղին սիրտը խոցեցին: Կրնաք բոլորիս սպանել, բայց չէք կրնար կասեցնել մեր երթը»:
Նշենք, որ Երգիչ Հաշալօն, անցեալ շաբաթ, Ճոհարի պատկանող կայանի մը հետ հարցազրոյցի ժամանակ, քննադատած էր Եվթոպիոյ իշխանութիւնները:
Երգիչի սպանութիւնը ոտքի հանած է ժողովուրդը, մանաւանդ Օրօմօ ցեղի քաղաքներուն մէջ:
Բժշկապետ մը յայտարարած է թէ, Ատամա գիւղաքաղաքի հիւանդանոց հասած են 80-է աւելի վիրաւորներ եւ 8 մեռեալ:
Հրապարակուած տեսաերիզներով ի յայտ եկած է, որ Հաշալոյի յուղարկաւորութեան մասնակցած է մեծ բազմութիւն, եւ որ ուղեկցած է դիակին մինչեւ իր գիւղը՝ Ամպօ, որ կը գտնուի մայրաքաղաքէն 100 քմ. հեռաւորութեան վրայ:
