3.09c
Երեվան
երկ, փտր 09
Հրաժարական տալ չեմ պատրաստուիր, ես խոստումներ տուած եմ ժողովուրդին եւ քայլ առ քայլ կը կատարեմ անոնք: Այս մասին 9 փետրուարին Երեւանի աւագանիի նիստէն ետք հարցուպատասխանի ժամանակ ըսած է քաղաքապետ Հայկ Մարութեանը: Անդրադառնալով իր Չեխիայի մէջ ՀՀ դեսպան նշանակուելու մասին լուրերուն՝ ան հեգնանքով նշած է. «Մինչ Չեխիան դեսպան էի նշանակուել ԱՄՆ-ում եւ պատրաստւում էի ընդունել Ճափոնիայում դեսպանի պաշտօնը»:
«Բարգաւաճ Հայաստան» խմբակցութեան անդամ Մարկոս Յարութիւնեանը խնդրած է Մարութեանէն, որ աշխատանքէն ազատուելու պարագային աւագանին լուծարելու միջոց գտնէ, քանի որ անոր ոչ մէկ ներկայացուցիչ արժանի է զբաղցնելու Երեւանի քաղաքապետի պաշտօնը:
Ան նաեւ կոչ ըրած է քաղաքապետին խոստովանիլ, որ, ի տարբերութիւն իրեն, նախկին իշխանութիւնները կառուցած են 10 նոր բազմաբնակարան շէնքեր եւ լուծած են 20-30 վթարային շէնքերու խնդիրը, իսկ ինքը կը փորձէ իր վրայէն հանել Երեւանի խնդիրներու լուծման պատասխանատւութիւնը:
