Ատրպէյճանի գործողութիւնները ուղղուած են Արցախի խաղաղ բնակչութեան եւ խաղաղապահներու դէմ. Արտակ Բեգլարեան

Ատրպէյճանի գործողութիւնները ուղղուած են Արցախի խաղաղ բնակչութեան եւ խաղաղապահներու դէմ. Արտակ Բեգլարեան

Արցախի պետական նախարարի խորհրդական Արտակ Բեգլարեան Ատրպէյճանի հերթական սադրանքը կը համարէ Ստեփանակերտ-Գորիս մայրուղին փակելու քայլը:

Բեգլարեանի համար ակնյայտ է, որ, մայրուղին փակելով, փորձ կը կատարուի խզելու Արցախի եւ Հայաստանի միակ կապը։

Այս մասին Բեգլարեան գրած է «Թելեկրամ»-ի իր ալիքին՝ աւելցնելով, որ այդ կապը եռակողմ պայմանաւորուածութիւններու համաձայն՝ կ'ապահովէ ռուսական խաղաղապահ զօրախումբը։

«Այսպիսով, Ատրպէյճանի գործողութիւնները ուղղուած են Արցախի խաղաղ բնակչութեան եւ խաղաղապահներու դէմ։ Յոյսով եմ, որ ճանապարհային հաղորդակցութիւնը պիտի վերականգնուի»,-ըսած է Արտակ Բեգլարեան:

«Թուիթըր»-ի իր էջին ալ Բեգլարեան գրած է, որ շուրջ 2 ժամ է, որ Ատրպէյճանը շրջափակման մէջ կը պահէ Արցախի 120 հազար բնակչութիւնը: «Արցախից մեքենաներ դուրս չեն գալիս եւ մուտք չեն գործում Արցախ: Մեր ժողովուրդը հումանիտար աղէտի բախուելու շեմին է»,- գրած է ան՝ աւելցնելով, որ Ատրպէյճանը կ'ուզէ էթնիք զտում իրականացնել Արցախի մէջ: