Կիրակի՝ նոյեմբերի 15-ին, Ամերիկայի Հայ Ավետարանչական ընկերակցության և Հայաստանյայց Ավետարանական եկեղեցու 8 ծառայակից մեկնեցին Ստեփանակերտ՝ մաքրելու և վերականգնելու հրետակոծությունից մասնակի տուժած ԱՀԱԸ կենտրոնի, եկեղեցու և մանկապարտեզի շենքերը։

Խմբի կազմում էին վեր. Հովհաննես Հովսեփյանը, վեր. Ավետիք Խաչատրյանը, Հարութ Ներսեսսյանը, Վիկտոր Կարապետյանը, Արմեն Ստեփանյանը, Վահագն Քեշիշյանը, Արմեն Մովսիսյանը և Մանվել Ասատրյանը։ 
6 ժամվա ընթացքում թիմը մաքրեց շինությունը կոտրված ապակիներից ու պայթյունի բեկորներից, նեյլոնով պատեց ջարդված պատուհանները։ ՀԱԵ երկու հոգևոր հովիվներն առաջնորդեցին առաջին պաշտամունքը՝ սեպտեմբերի 27-ին պատերազմի սկզբից ի վեր։