18.09c
Երեվան
ուրբ, հկտ 23
Ամերիկայի Ազգային անվտանգութեան վարչութեան եւ լրտեսութեան դէմ պայքարի կեդրոնի տնօրէն Ուիլիամ Իւանինա զգուշացուցած է Ֆութպոլի աշխարհի ախոյեանութեան հետեւելու նպատակով Ռուսիա մեկնիլ ցանկացողները, շեշտելով, որ իրենց հեռախօսներն ու համակարգիչները կրնան ցանցահէններու կողմէ ի շահ Քրեմլինի լրտեսութեան ենթարկուիլ: Այս մասին կը հաղորդէ «Ֆրանսբրէս» լրատուական գործակալութիւնը:
Իւանինա նշած է նաեւ, որ որեւէ ելեկտրական գործիքի վրայ առկայ տեղեկութիւնները կրնան հասանելի ըլլալ Ռուսիոյ կառավարութեան, մանաւանդ անոնք, որոնք անձնական տուեալներ կը պարունակեն:
Իւանինա դիտել տուած է, որ հիմնական թիրախ հանդիսացողները բարձրաստիճան պաշտօնեաներն ու ընկերութիւններու տնօրէններն են:
