19.86c
Երեվան
երկ, հնս 22
Այսօր՝ կիրակի 25 փետրուարին, փակուած է Երուսաղէմի Սուրբ Յարութիւն Տաճարը:Այս մասին «Արեւելք» տեղեկութիւն ստացաւ Երուսաղէմի իր աղբիւրէն, որ նաեւ նշեց, որ եկեղեցիի փակման մասնակից դարձած է Երուսաղէմի Հայոց Միաբանաութիւնը ներկայացնող պատուիրակութիւն մը:
Երուսաղէմի երեք իրաւատէր համայնքներու Հոգեւոր Պետերը, Երուսաղէմի Հայոց Պատրիարքը, Յոյն Պատրիարքը եւ Ս. Երկրի Քուստոսը, ի նշան բողոքի, այսօր ժամը12:00-ին, փակեցին Ս. Յարութեան տաճարի դուռը եւ տաճարի մուտքի առջեւ ընթերցեցին երեքի կողմէ ստորագրուած յայտարարութիւնը:
Անոնք կը բողոքէին Երուսաղէմի քաղաքապետարանի որոշման դէմ, որու համաձայն հրահանգուած է քրիստոնեայ համայնքներուն` քաղաքապետարանին հարկ վճարել, եկեղեցիներու եւ վանքերու համար, ինչէն քրիստոնեայ համայնքները դարեր շարունակ ազատուած եղած են:
Յայտարարութիւնը նաեւ կը բողոքէր Քնեսեթի մէջ առաջարկուած օրինագիծի դէմ, որու համաձայն պետութեան իրաւունք պիտի տրուի բռնագրաւել եկեղեցապատկան այն կալուածները, որոնց վարձակալութիւնը կը տրուի անհատ ձեռներեցներու եւ չի վաւերացուիտ Քնեսեթի կողմէ:
Տաճարը պիտի մնայ փակ մինչեւ Հոգեւոր պետերու նոր յայտարարութիւնը:
