17.09c
Երեվան
հնգ, հկտ 15
4 Օգոստոսին, թրքական իշխանութիւնը յայտարարած է թէ կառավարութիւնը սկսած է բաժնել թրքական անձնագիրներ՝ սուրիացի դիմորդներուն:
Այս մասին տեղեկութիւն տուած է Թուրքիոյ ներքին գործոց նախարարութեան կայք էջը:
Ըստ կայքին՝ թրքական կառավարութիւնը անձնագիր սկսած է բաժնել նախ՝ այն սուրիացիներուն, որոնք ուսում ստացած են եւ իրենց ուսուման փաստաթուղթերը ներկայացուցած են տեղի կառավարական մարմիններուն:
Ըստ թրքական տարբեր լրատուական աղբիւրներու ՝ թրքական կառավարութիւնը, մինչեւ այս պահը արդէն բաժնած է 7000 անձնագիր:
Թուրք պաշտօնատար մը հարցազրոյցի մը ընթացքին նշած է, թէ «Թրքական անձնագիր ստանալու ամենէն կարեւոր պայմաններէն մէկն է՝ հաւատարիմ ըլլալ Թուրքիոյ հանդէպ, յարգել բոլոր քաղաքացիներուն ազատութիւններն ու իրաւունքները»։
