7.09c
Երեվան
երկ, հկտ 19
Լիբանանեան «Ալ Ժատիտ» կայքի փոխանցմամբ, «Հըզպալլա»ի գլխաւոր քարտուղարի տեղակալ Նաhիմ Քասէմ հանդէս գալով «Ալ Մուսթաֆա» վարժարանի աւարտական հանդէսին, յայտարարած է, որ կ'ուզէ անդրադառնալ երկու գլխաւոր թեմաներու: «Անոնցմէ առաջինը համաշխարհային դերասան պարոն Թրամբի մասին է, որ փորձեց մարդոց զգացումներուն հետ խաղալ, իր եսապաշտութիւնը դրսեւորել, ինչպէս նաեւ արեւելքի եւ արեւմուտքի մէջ մարդոց ջիղերը լարել, պատճառաբանելով, որ ինք է որոշման տէրն ու ինք պիտի կայացնէ այդ որոշումը», սակայն, ըստ Քասէմի, պարզուեցաւ, որ աշխարհի խոշորագոյն եւ ուժեղագոյն երկրի նախագահը ոչ մէկ պայմանագիր կամ համաձայնագիր կը յարգէ, եւ կը փորձէ ԱՄՆ-ի ձախողած ռազմավարութիւնը պարտադրել տարածաշրջանի ժողովուրդներուն, սակայն ան չի կրնար յաջողութեան հասնիլ:
Քասէմ նշած է, որ Թրամբ չի հանդուրժեր տարածաշրջանին մէջ Սուրիոյ, Իրանի եւ «Հըզպալլա»ի ուժեղ գոյութիւնը, որովհետեւ անոնք կը խանգարեն իր ծրագիրներու իրականացումը: Գլխաւոր քարտուղարի տեղակալը հաւաստիացուցած է, որ «Հըզպալլա»ի համար Իսրայէլ եղած է եւ պիտի մնայ ոխերիմ թշնամի, եւ անոր դէմ մղուող պայքարը կանգ պիտի չառնէ:
Երկրորդ թեման, որուն անդրադարձ կատարած է Քասէմ, բանակ-ժողովուրդ-ինքնապաշտպանութիւն երեքային հաւասարութենէն, ինչպէս նաեւ վերջին շրջանին գրանցուած յաղթանակներէն ետք Լիբանանի առաւել հզօրացման գաղափարն է՝ արտաքին դաւադրութիւնները դիմակայելու առումով: «Իսրայէլի դէմ Լիբանանի յաղթանակը երկրի կայունութեան ուժն ու ինքնիշխանութիւնն ամրապնդեց, իսկ
ծայրայեղական ահաբեկչութեան դէմ տարած յաղթանակով երկիրը պաշտպանուեցած կրօնական անհանդուրժողականութենէն»,- կարծիք յայտնած է Քասէմ:
Իր խօսքի աւարտին Քասէմի նշած է, որ նախագահի ընտրութեամբ Լիբանան վերագտաւ իր առողջութիւնը, իսկ ժողովուրդի ձայնը հանդիսացող խորհրդարանն ինք է, որ կը ներկայացնէ ժողովուրդն ու անոր շահերը:
