18.09c
Երեվան
չրք, հկտ 14
ՄԱԿ-ի մօտ ԱՄՆ դեսպան Նիքլի Հէյլի, երէկ, լրագրողներու փոքր խումբի մը առջեւ յայտարարած է, որ իր երկրի քաղաքականութիւնը Սուրիոյ մէջ փոխուած է եւ ան այլեւս չէ կեդրոնացած նախագահ Ասատի իշխանութենէն հեռացման վրայ: Այս մասին կը հաղորդէ լիբանանեան «Ալ-Ժատիտ» կայանը, նշելով, որ Հէյլի ըսած է. «Քու վարելիք մարտերդ դուն պէտք է ընտրես. Երբ այս տեսանկիւնէ դիտենք հարցերը, կը գտնենք, որ խնդիրը առաջնահերթութիւններու փոփոխութեան մէջ է եւ մեր առաջնահերթութիւնը այլեւս նստիլ եւ Ասատը հեռացնելու միջոցներուն մասին մտածելը չէ»:
Հէյլի, որ միաժամանակ կը վարէ Հարաւային Քարոլայնայի կառավարիչի պաշտօնը, աւելցուցած է, որ այսօր ԱՄՆ-ի առաջնային նպատակն է Սուրիոյ մէջ գործերը իրականացնելու ձեւեր եւ գործակիցներ գտնել, որոշել, թէ որ ուժերուն հետ պիտի համագործակիցն, որպէսզի իսկական փոփոխութիւն կատարուի Սուրիոյ ժողովուրդին համար:
