17.09c
Երեվան
հնգ, հկտ 01
Թուրքիա- («Տէյլի Սապահ»- Պոլիս)- Սուրիացի երաժիշտներ,որոնք փախած են իրենց երկրի մէջ տիրող պատերազմէն, հնարաւորութիւն ունեցած են վերակենդանացնելու իրենց մասնագիտութիւնն ու մշակոյթը Թուրքիոյ մէջ: Այս մասին կը գրէ «Սապահ» նշելով, որ Մուսթաֆա Էրթէքին սուրիացի փախստականներէ բաղկացող նուագախումբ մը կազմած է, որոնք կ'ապրին Քիլիսի հարաւային շրջանը գտնուող Էլպէյի փախստականներու քէմփին մէջ, ուր կան շուրջ 24,000 գաղթականներ :
Երաժշտական խումբը կազմուած է 11 փախստականներէ: Նուագախումբի ղեկավար Էրթէքին ջանք թափած է գտնելու երաժիշտները եւ այդպիսով գոցելու այն ինչ կը կոչուի քէմփի «բացը» , որն էր երաժշտութեան պակասը: «Այդ մէկը ընելը շատ դժուար էր սկիզբի շրջանին», - ըսած է Էրթէքին, երբ հարց տրուած է, թէ ինչպէս յղացած էր խումբը կազմելու գաղափարը: Ան առաջին հերթին երկար ժամանակ թափառած է ամբողջ շրջանը, նախքան քէմփի ղեկավարութեան յայտնելու իր միտքը: Երիտասարդ երաժիշտը կը նշէ, որ իրեն բախտ վիճակուած է խումբի անդամնեուն գտնել քէմփի մէջ, Քիլիսի նահանգապետէն պաշտօնական հաստատում ստանալէ ետք:
Աղբիւրը կը նշէ, որ խումբը, որ կը կոչուի «Մուսթաֆա Էրթքէն եւ անոր նուագախումբը» համերգներով մասնակցած են քէմփէն ներս ազգային եւ միջազգային պաշտօնական տարբեր միջոցառումներու:
Էրթքէնի խումբը կազմելու նպատակը եղած է «երաժշտութեամբ մեր ցաւն է որ կը կիսուինք եւ ոչ թէ զայն կ' օգտագործենք հաճոյքի համար» ըսած է Էրթքէն:
«Սապահ» կը նշէ, որ այս շահոյթ չհետապնդող խումբը պարզապէս կ'ուզէ ցոյց տալ, որ իրենք հաճոյքի նպատակով չէ, որ կ'աշխատին: Խումբի կարգ մը անդամները դարձած են գրանցուած ուսուցիչներ քէմփի դպրոցներուն մէջ, ուր անոնք երաժշտութիւն կը սովորեցնեն սուրիացի երեխաներուն:
