9.09c
Երեվան
ուրբ, մյս 08
Ժընեւի մէջ կայացած հանդիպումի աւարտին ամերիկացի եւ ռուս արտգործոց նախարարները հրադադարի մը մասին յայտարարած են: Այս մասին խօսած է ԱՄՆ արտաքին գործոց նախարար Ճոն Քէրի: Նշենք, որ «մարաթոնային» համարուած բանակցութիւններու աւարտին երկու նախարարներու ճիգով եղած հրադադարը գործի պիտի դրուի «Ալ Ատհա» տօնի առաջին օրը, յառաջիկայ երկուշաբթի առաւօտ: Քէրի համաձայնութեան այս մասին խօսելով ըսած է, թէ իրենց հիմնական նպատակն է վերջ տալ արիւնահեղութեան եւ սկիզբ դնել «փոխ վստահութեան» փուլի մը: Ըստ համաձայնութեան, Սուրիոյ տարբեր շրջաններ մարդասիրական օժանդակութիւններ պիտի տարուին, ինչպէս նաեւ Գասթէլո շրջանը պիտի յայտարարուի «զէնքէ զուրկ գօտի»: Քէրի նաեւ ըսած է, որ եթէ հրադադարը յաջողութիւն գտնէ, իրենք ճիգեր պիտի գործադրեն՝ երկրորդ քաղաքական փուլի մը նախաձեռնելու: Համաձայնութիւնը առիթ պիտի դառնայ ընդդիմադիր զինեալներուն, որպէսզի վերջնականապէս հեռանան ռատիքալիստ եւ ծայրայեղական համարուած խմբաւորումներէն: Նշենք, որ համաձայնութեան կիրառման հիմնական շրջան յայտարարուած է Հալէպ քաղաքը:
