19.09c
Երեվան
երք, մյս 05
Պոլսոյ Էտիրնէգաբու գերեզմանատան մօտ Հնչակեան Քսաններու նուիրուած ոգեկոչման հաւաքը անյայտ պատճառներով ջնջուած է: Այս մասին «Արեւելք» տեղեկութիւն ստացաւ Պոլսոյ իր աղբիւրէն: Մեր աղբիւրը նաեւ յայտնեց, որ Էտիրնէգաբու հայկական ազգային գերեզմանատան պատասխանատուներ որոշ պատրաստութիւններ տեսած են, սակայն աւելի ուշ պարզուած է, որ հաւաքը պիտի չկայացուի: Նշենք, որ անցնող տարիներուն աւանդութիւն դարձած է ոգեկոչման միջոցառում կատարել Էտիրնէգաբուի գերեզմանատան մօտ, ուր կը կարծուի թէ թաղուած են Հնչակեան Քսան նահատակները: Այդ միջոցառումները իրենց մասնակցութիւնը կը բերեն մեծ թիւով թուրքեր ՝ երկրի ձախակողմեան շրջանակներէն: Քսանները կախաղան բարձրացուեցան Օսմանեան կայսրութեան կողմէ 15 յունիս 1915 -ին:
