17.09c
Երեվան
ուրբ, հկտ 23
Մարոնիթ եկեղեցւոյ ընդհանուր խորհուրդի նախագահ, նախկին նախարար Ուատիհ Ալ Խազէն թուիթըրեան իր էջին լուսանկար մը հրապարակած է, անդրադարձ կատարելով նախագահ Քամիլ Շամունի եւ ԱՄՆ դեսպան Մաքլինթոքի միջեւ կայացած հանդիպման:
Քամիլ Շամուն իր մօտ հրաւիրած է ԱՄՆ դեսպանը, նպատակ ունենալով վերջինիս վաճառել տուեալ տարուան չսպառուած խնձորի բերքը:
Հանդիպման ժամանակ Շամուն դեսպանին դիմելով ըսած է. «Մեծարգո'յ դեսպան, որոշած ենք լիբանանեան խնձորի այս տարուան բերքը ձեզի ծախել», որուն ի պատասխան դեսպանը յայտնած է, որ ԱՄՆ խնձոր արտահանող երկիր է, մերժելով նախագահի առաջարը: Երբ Շամուն պնդած է իր առաջարկը, Մաքլինթոն ներողութիւն խնդրելով ցանկացած է հեռանալ: Մինչեւ դեսպանին հեռանալը, Շամուն իր թիկնապահին դիմելով խնդրած է Խորհրդային միութեան դեսպանը հրաւիրել: Այդ պահուն Մաքլինթոն անմիջապէս վերադառնալով յայտարարած է. «Պարո'ն նախագահ, որոշեցինք գնել լիբանանեան խնձորը»:
Ուատիհ Ալ Խազէնի գրառումն աւարտած է հետեւեալ նախադասութեամբ. «Յիշելու եւ դասեր քաղելու համար միայն»:
